Byudjet boshi berk koʻchasi xavfi fonida investorlar AQSh obligatsiyalariga yuzlandi
AQShning 30 yillik obligatsiyalari daromadliligi 5,3 foizdan pastladi, 10 yillik obligatsiyalarniki esa oraliq saylovlardan soʻng 4,9 foizga yaqinlashdi. Bozor bu xavfni hisobga olmoqda.
AQSh Gʻaznachiligining 30 yillik obligatsiyalari daromadliligi 5,3 foizdan pastladi, 10 yillik obligatsiyalarniki esa talab oshishi fonida 4,9 foizga yaqinlashdi. Investorlar bunday qimmatli qogʻozlarni bozordagi oʻzgaruvchanlik va siyosiy noaniqlik sharoitida himoya aktivi sifatida koʻrmoqda.
Boʻlingan Kongress xarajatlar va yangi qarz olish toʻgʻrisidagi qonunlarni qabul qilishni qiyinlashtirishi mumkin. UBSda byudjet boʻyicha boshi berk koʻcha bazaviy ssenariy boʻlishi kutilmoqda, Deutsche Bank esa bu holat AQSh davlat qarzi trayektoriyasi borasidagi xavotirlarni qisman yumshatishi mumkin, deb hisoblaydi.
Federal hukumatni moliyalashtirish paketining amal qilish muddati 11 dekabrda tugaydi. Hukumat faoliyatining toʻxtab qolishiga yoʻl qoʻymaslik uchun har ikki partiyaning qoʻllovi kerak boʻladi; Kalshi platformasida hukumat ishining toʻxtashi ehtimoli taxminan 30 foizdan 45 foizgacha oshdi.
