«60 daqiqa»ning sobiq prodyuseri Bill Ouens kontent yaratuvchilar platformasi — Newpressning bir qismiga aylanadi
Kompaniya yaqin oylar ichida bir nechta yangi shouni ishga tushirishni rejalashtirmoqda, yangi ijrochi prodyuser esa 1-martdan ish boshlaydi.
Newpress Loren Pauell Jobsning Emerson Collective kompaniyasi yetakchiligidagi raundda 12 mln dollar jalb qilmoqda. Raundda Jessi Anjelo, Devid Levi va Brent Montgomeri ham ishtirok etmoqda, Patrik Stil esa mablagʻ kiritib, direktorlar kengashiga qoʻshiladi. YouTube yaratuvchisi Mark Rober ham kompaniyaga investor boʻldi.
Startapga YouTube yaratuvchilari Jonni va Iz Xarris asos solgan. Uzoq muddatli istiqbolda Newpress muayyan mavzularga ixtisoslashgan mualliflar boshqaradigan kanallar sonini 12 tadan 16 tagacha yetkazishni rejalashtirmoqda.
Ouens barcha mualliflarga koʻrsatuvlar ishlab chiqish va ularni ishlab chiqarish jarayonini kuchaytirishda yordam beradi. Bu uning oʻtgan yili «60 daqiqa»dan ketganidan keyingi ilk lavozimi boʻladi.
