Instacart oʻzi «oziq-ovqat xaridlarining kelajagi» deb atagan texnologiyadan voz kechmoqda
Caper aqlli aravachalari mevalarni tortishi, xaridlarni kuzatishi, kuponlarni qoʻllashi va toʻlovni qabul qilishi mumkin edi.
Caper aravachalarini ishlab chiqayotgan jamoa faoliyatini toʻxtatish Instacart kompaniyasiga $55 mln–$80 mln tushadi. Bu summaga ayrim xodimlarni ishdan boʻshatish va shartnomalarni bekor qilish xarajatlari ham kiradi. Kompaniya direktorlar kengashi bu qarorni maʼqulladi, Instacart esa uni 2027-yilning ikkinchi choragida yakunlashni rejalashtirmoqda.
Instacart bu qadam natijasidagi tejamkorlikni strategik oʻsish tashabbuslariga yoʻnaltirmoqchi. Aravachalar kompaniyaning chakana savdo texnologiyalari sohasidagi koʻzga koʻringan loyihalaridan biri edi.
2024-yil boshida Instacart Caper aravachalaridan «minglab» donasini doʻkonlarga yetkazib berishni rejalashtirgan edi. Oʻshanda kompaniya bosh direktori Fidji Simo ularni oziq-ovqat xaridlarining kelajagi deb bilishini aytgandi.
