National Australia Bank 2 500 ta ish oʻrnini qisqartiradi
Bank bu oʻzgarishlarni kuchli raqobat va texnologik oʻzgarishlar bilan izohladi
NAB 2 500 ta ish oʻrnini qisqartiradi, bu uning xodimlari sonining 6 foizini tashkil etadi. Shu bilan birga, bank maslahatchilar va tashqi pudratchilar xizmatlaridan foydalanishni sezilarli darajada kamaytirishni rejalashtirmoqda.
RMIT moliya professori Endjel Chjunning fikricha, banklar shtat tarkibini yanada raqamli modelga moslashtirmoqda hamda texnologiyalar va sunʼiy intellektga kattaroq miqyosda sarmoya kiritmoqda. Iyulda eʼlon qilingan hukumat hisobotida maʼmuriy, dasturchilik va kotiblik lavozimlari bunday oʻzgarishlarga eng zaif yoʻnalishlar qatorida qayd etilgan.
Qisqartirishlar Avstraliya iqtisodiyotining sekinlashuvi va ishsizlikning 4,7 foizgacha oshishi fonida yuz bermoqda — bu qariyb besh yil ichidagi eng yuqori koʻrsatkichdir. Finance Sector Union kasaba uyushmasida qaror NAB xodimlari zimmasidagi yuklamani oshirishini bildirishdi.
