Rossiya Osiyo, Afrika va Lotin Amerikasi mamlakatlari bilan yangi toʻlov-hisob-kitob tizimini yaratmoqda
Oʻzaro hisob-kitoblarning salmoqli qismi milliy valyutalarga oʻtkazilishi kerak
Rossiya Federatsiyasi Osiyo, Afrika va Lotin Amerikasi hamkor davlatlari bilan birgalikda moliyaviy axborotni uzatish milliy tizimlarini birlashtirish boʻyicha amaliy ish olib bormoqda. Bu haqda Rossiya tashqi ishlar vaziri oʻrinbosari Sergey Ryabkov Nijniy Novgorod iqtisodiy forumi davomida maʼlum qildi.
Diplomat mustaqil toʻlov-hisob-kitob arxitekturasini shakllantirish shunchaki niyatlar deklaratsiyasi emas, balki allaqachon amalga oshirilayotgan ssenariy ekanini taʼkidladi. Uning soʻzlariga koʻra, asosiy xalqaro hamkorlar bilan oʻzaro hisob-kitoblarning salmoqli qismi allaqachon milliy valyutalarga muvaffaqiyatli oʻtkazilgan.
Sanksiyalar bosimi sharoitida Moskva moliyaviy mexanizmlar, logistika va transport koridorlarini qamrab oladigan himoyalangan tashqi savdo infratuzilmasini yaratishga eʼtibor qaratmoqda. Ryabkovning taʼkidlashicha, koʻp yoʻnalishli iqtisodiy hamkorlikning ustuvor yoʻnalishlari boʻlib Osiyo-Tinch okeani mintaqasi mamlakatlari, avvalo Xitoy va Hindiston, islom dunyosi davlatlari, shuningdek, Afrika qitʼasi va Lotin Amerikasi mamlakatlari qolmoqda.
