Ilon Mask kelasi yili AQShdagi har bir bolaga SpaceXʼning bittadan aksiyasini berishini maʼlum qildi
Reja taxminan 72 mln bolani qamrab oladi, topshiriladigan qimmatli qogʻozlar qiymati esa qariyb 10,5 mlrd dollarni tashkil etishi mumkin
SpaceX bosh direktori Ilon Mask aksiyalarni topshirish rejasini eʼlon qildi. Hozirda u kompaniyaning taxminan 4,8 mlrd dona aksiyasiga egalik qiladi. Hali huquq berilmagan mukofotlar va opsionlarni hisobga olganda, uning paketi 6,4 mlrd aksiyaga, yaʼni 48,4 foiz benefisiar ulushga yetadi.
Mask aksiyalarni tarqatish qanday tashkil etilishini ochiqlamadi va bu tashabbus shunga oʻxshash tashabbuslar turkumidagi birinchisi ekanini aytdi. Bundan avval Anthropic oʻz aksiyalarining bir qismini yangi jamoat manfaatlariga xizmat qiluvchi fondga yoʻnaltirish rejasini maʼlum qilgan, Mask esa qimmatli qogʻozlarni toʻgʻridan-toʻgʻri aholiga berishni tavsiya qilgan.
