Kongress saylovlarida ovozlar sanalayotgani fonida Nasdaq fyucherslari 1,8 foizga tushdi
AQSh bozori oraliq saylovlarni pasayish bilan qarshi oldi: S&P 500 fyucherslari qariyb 1 foizga, Nasdaq fyucherslari esa 1,8 foizga tushdi. Dastlabki natijalar Senatda demokratlar mavqeyi kuchayganini koʻrsatmoqda, biroq Kongressning har ikki palatasi ustidan nazorat hozircha aniqlanmagan.
Saylov yakunlari prezident Donald Trumpning iqtisodiy kun tartibiga, jumladan, davlat xarajatlari, tartibga solish va sunʼiy intellekt industriyasini rivojlantirishga taʼsir koʻrsatishi mumkin.
Pepperstone tadqiqotlar rahbari Kris Uestonning baholashicha, bozor uchun nafaqat kim gʻalaba qozongani, balki natija bilan kutilmalar oʻrtasidagi tafovut ham muhim. Demokratlarning ishonchli gʻalabasi yoki respublikachilarning Senat ustidan nazoratni saqlab qolishi investorlar pozitsiyalarining sezilarli darajada qayta koʻrib chiqilishiga olib kelishi mumkin.
