Ilon Mask Grok Bot AI-agentiga xizmat koʻrsatish juda qimmatga tushayotganini aytdi
SpaceX rahbari Ilon Mask foydalanuvchilar haftalik limitlari odatdagidan tezroq tugayotganidan shikoyat qilganidan soʻng, AI-agentni ishlatish xarajatlari tushumga nisbatan haddan tashqari yuqori ekanini aytdi.
Mask X tarmogʻida Grok Botga xizmat koʻrsatish tushumga nisbatan kompaniya uchun «barqaror boʻlmaydigan darajada qimmat»ga tushayotganini yozdi. Bu foydalanuvchilar haftalik limitlari odatdagidan tezroq tugayotganidan shikoyat qilganidan keyin yuz berdi.
SpaceX Grok Botni avgust oyida ishga tushirgan. AI-agent inson nomidan vazifalarni, jumladan xaridlarni bajarish uchun virtual kompyuterdan foydalanadi. Tariflar bepul rejadan oyiga 200 dollargacha boʻlgan rejaga qadar mavjud, limitlar esa har hafta yangilanadi.
SpaceX maʼlumotlariga koʻra, Grok Botdan haftasiga 800 000 nafar pullik foydalanuvchi foydalanadi. Kompaniya, shuningdek, agentni X platformasining oyiga 8 dollarlik obunasiga Xʼning premium funksiyalari va dasturlash uchun Cursor platformasi bilan birga kiritishini eʼlon qildi.
