Sud VK kompaniyasining ilovalarni App Storeʼga qaytarish haqidagi Appleʼga qarshi daʼvosini koʻrib chiqishni 8 dekabrga qoldirdi
VK oʻz mobil ilovalari App Storeʼda yana foydalanish uchun mavjud boʻlishiga erishmoqchi.
VKontakte oʻz ilovalarini App Store doʻkonida qayta tiklashni Appleʼdan talab qilayotgan ish boʻyicha dastlabki sud majlisi 8 dekabr kuni boʻlib oʻtadi. Bunday qarorni Moskva arbitraj sudi korporatsiyaning Rossiyadagi boʻlinmasi — «Apple Rus» MChJning ishni boshqa sanaga qoldirish haqidagi iltimosini qanoatlantirib qabul qildi.
Majlis davomida Amerika kompaniyasi yuristi daʼvolarning mohiyatiga oʻtishdan oldin sud ushbu nizoni umuman koʻrib chiqish vakolatiga ega yoki ega emasligini hal qilishi kerakligini aytdi. Bundan tashqari, Apple VK daʼvosini koʻrib chiqmasdan qoldirishni soʻramoqda.
Ijtimoiy tarmoq daʼvoni birdaniga uchta yuridik shaxsga qarshi bergan: «Apple Rus»dan tashqari, javobgarlar qatorida AQShda joylashgan bosh kompaniya Apple Inc. hamda Irlandiyada roʻyxatdan oʻtgan Apple Distribution International Ltd. ham bor.
