Ripple Robinhood bilan RLUSD raqamli dollarini kengaytirish boʻyicha kelishuv tuzdi
Hamkorlik Robinhoodning chakana va institutsional mijozlar uchun yagona infratuzilmaga ega global moliyaviy superilova yaratish rejalarini qoʻllab-quvvatlaydi.
Ripple va Robinhood institutsional bitimlar boʻyicha hisob-kitoblarda RLUSDʼdan foydalanishga kelishib oldi. RLUSDʼning bozor kapitallashuvi allaqachon 2,5 mlrd dollardan oshgan. Kelishuv, shuningdek, Robinhoodning xazina operatsiyalarini avtomatlashtirish hamda Ripple Prime va Bitstamp orqali raqamli aktivlar savdosi va moliyalashtirishdan foydalanish imkoniyatlarini kengaytirishni nazarda tutadi.
RLUSDʼni Robinhood savdo platformasiga qoʻshish rejalashtirilmoqda. Hozirda token Bitstamp va Robinhood kompaniyasining tokenlashtirilgan aksiyalar hamda boshqa aktivlar uchun moʻljallangan oʻz blokcheyn platformasi — Robinhood Chainʼda mavjud.
Stablkoinlardan birjalar oʻrtasida pul oʻtkazish, kriptoaktivlar bilan operatsiyalarni amalga oshirish va bitimlar oraligʻida mablagʻlarni saqlash uchun foydalaniladi. Bunday raqamli aktivlarning umumiy bozori 300 mlrd dollardan oshadi, bunda asosiy ulush USDT va USDC hissasiga toʻgʻri keladi.
Yana oʻqing
Google Pay Oʻzbekistonda ishlay boshladi
Bu haqda Samarqandda C5+1 tadbirlari doirasida tashkil etilgan «Raqamli texnologiyalar» panel sessiyasida maʼlum qilindi.
19-oktabr, 13:02