Oltin narxining pasayishi Oʻzbekistonga qanday taʼsir qiladi
Fitch Ratings reyting agentligi 2026-yilda oltinning bir unsiyasi uchun 4500 dollar, 2029-yilda esa 2700 dollar narxni hisob-kitoblarda qoʻllamoqda, biroq buni aniq prognoz deb hisoblamayapti
Oltinning hisob-kitobdagi qiymati pasayishining oʻzi Oʻzbekistondagi togʻ-kon kompaniyalarining kredit reytinglari va mamlakatning suveren reytingini avtomatik ravishda yomonlashtirmasligi kerak. Kompaniyalarni baholashda agentlik oltinning bir unsiyasi uchun uzoq muddatli 2300 dollarlik narx farazidan foydalanadi.
Fitch Ratings agentligining EMEA mintaqasida tabiiy resurslar boʻyicha katta direktori Yuliya Buchnevaning maʼlum qilishicha, agentlik mamlakatdagi eng yirik togʻ-kon korxonalarining pul oqimlari oʻsishini kutmoqda. Baholashda metall narxlari, kompaniyalarning moliyaviy va dividend siyosati, shuningdek, investitsiya dasturlarini oʻzgartirish imkoniyati hisobga olinadi. NGMK va AGMKda loyihalarning salmoqli portfeli shakllangan, ishlab chiqarish hajmining oshishi va yangi loyihalarning amalga oshirilishi esa ularning moliyaviy koʻrsatkichlarini qoʻllab-quvvatlashi mumkin.
Boshqa shartlar oʻzgarmagan taqdirda, oltinning arzonlashishi eksport tushumlari va budjetga tushadigan daromadlarni kamaytirishi mumkin. Yakuniy taʼsir ishlab chiqarish hajmlari, xarajatlar va korxonalarning moliyaviy natijalariga bogʻliq boʻladi, iqtisodiyotning diversifikatsiyasi esa oqibatlarni yumshatishi mumkin. Agentlik ushbu ssenariyning budjet daromadlariga taʼsiri boʻyicha alohida miqdoriy baho taqdim etmadi.
