Binance ehtimoliy buzib kirishni tergov qilayotgan bir paytda kripto kompaniyalari 3 mlrd dollardan ortiq mablagʻni muzlatdi
Binance mablagʻlar oʻgʻirlanganini tasdiqlamadi, payshanba kuni esa bitkoin kursi 3,2 foizga tushib, 79 000 dollardan pastladi.
Payshanba oqshomiga kelib, Binanceʼdagi ehtimoliy zaiflik haqidagi xabarlardan soʻng kriptovalyuta kompaniyalari qariyb $3 mlrd mablagʻni muzlatdi. Birja jamoalari huquqni muhofaza qiluvchi organlar, emitentlar va blokcheyn tahlilchilari bilan birgalikda qoʻshimcha aktivlarni kuzatib, ularni bloklashga urinmoqda.
Steyblkoin emitentlari Tether va Circle hodisa bilan bogʻliq mablagʻlarni muzlatganini maʼlum qildi. Circle $800 mln ekvivalentidan ortiq mablagʻni, Tether esa $1,5 mlrd dan ziyod mablagʻni blokladi. Tether bu Binanceʼning ehtimoliy buzib kirilishi bilan bogʻliqligini aniqlashtirdi.
Binance asoschisi Chanpen Chjao endi kompaniyani boshqarmasligini, biroq aksiyador sifatida foydalanuvchilar mablagʻlari toʻliq qoplanishini kutayotganini aytdi.
