YTTB Auto Rubberʼga ishlab chiqarishni kengaytirish uchun 10 mln dollargacha ajratadi
Oʻzbekistonning Auto Rubber kompaniyasi YTTBdan 10 mln dollargacha kredit oladi. Kompaniya mablagʻlarni ishlab chiqarish quvvatlarini oshirish va avtomobil komponentlarini mahalliylashtirishga yoʻnaltiradi.
Korxonada yarim tayyor mahsulotlar ishlab chiqarish uchun uskunalar oʻrnatiladi va rezina aralashmalarini ishlab chiqarish liniyasi ishga tushiriladi. Loyiha Auto Rubberʼga avtomobil komponentlari assortimentini kengaytirish va ishlab chiqarish bazasini mustahkamlash imkonini beradi.
YTTB, shuningdek, korporativ boshqaruvni takomillashtirishda koʻmaklashadi. Kompaniya gender tengligini ilgari surish uchun ichki hujjatlar va qoidalarni joriy etadi. Bundan tashqari, loyiha Yaponiya va YTTB hamkorlik jamgʻarmasi mablagʻlari hisobidan grant oladi.
