Obligatsiyalar daromadliligining oshishi AI kompaniyalari aksiyalariga bosim qilmoqda
BofA prognoziga koʻra, gipermasshtabli kompaniyalarning kapital xarajatlari 2024-yildagi 240 mlrd dollardan 2027-yilga kelib 1,2 trln dollargacha oshadi.
Michael Hartnett boshchiligidagi Bank of America strateglari endi AI kompaniyalari aksiyalaridagi rallini obligatsiyalar bozori sekinlashtirmoqda, deb hisoblaydi. Oʻsib borayotgan daromadlilik gipermasshtabli kompaniyalarga — investitsiyalarini keskin oshirayotgan eng yirik bulutli xizmatlar va AI kompaniyalariga — bosim qilmoqda.
Ularning erkin pul oqimi ham shu davrda musbat 240 mlrd dollardan manfiy 180 mlrd dollargacha qisqaradi. Yaʼni kompaniyalar topayotganidan koʻproq mablagʻ sarflaydi va qarz mablagʻlari qiymatiga yanada koʻproq bogʻliq boʻlib qoladi.
Tahlilchilar regulyatorlar daromadlilikning nazoratsiz oʻsishiga yoʻl qoʻymaydi, deb hisoblaydi: bunga daromadlilik egri chizigʻini nazorat qilish yoki yangi miqdoriy yumshatish ehtimoli toʻsqinlik qilishi mumkin. Biroq AI sektori tiklanishi uchun daromadlilik pasayishi kerak. BofA fikricha, 2027-yilning birinchi yarmida bunga geosiyosiy keskinlikning yumshashi, neft narxlarining keskin qulashi va stavkalarni oshirish siklining yakunlanishi yordam berishi mumkin.
