Anthropic kompaniyasidan Claude Code yaratuvchilaridan biri ketdi
Vu Anthropic kompaniyasini kompaniyaning asosiy mahsulotlaridan biri boʻlgan Claude Code ustida ishlagach tark etdi. U ketish sababini oshkor qilmadi va izoh soʻrab yuborilgan murojaatlarga javob bermadi.
Vu Claude Code yaratuvchisi Boris Cherni bilan birga mahsulotning ikki rahbari va jamoatchilikka taqdim etuvchi vakillaridan biri edi. Mahsulotning mashhurligi Anthropic kompaniyasiga tushumini oshirish, hisoblash quvvatlari uchun moliyalashtirish jalb qilish hamda OpenAI bilan raqobatni kuchaytirishga yordam berdi.
Vu Anthropic kompaniyasiga 2024 yil yozida qoʻshilgan va Claude Codeʼning dastlabki prototipini sinab koʻrgan. Kompaniya ushbu vositani 2025 yil fevralida tadqiqot rejimida chiqardi. Bundan tashqari, Vu dasturlash bilan bogʻliq boʻlmagan vazifalar uchun Anthropic kompaniyasining Cowork xizmatini boshqargan.
