Apple iPhone Duo taʼminoti talabga qachon tenglashishini ayta olmaydi
Apple operatsion direktori Sabih Khan buklanadigan iPhone Duo taʼminoti talabga qachon tenglashishini kompaniya hozircha aniqlay olmasligini aytdi. Tanqislik boshqa qurilmalarga ham taʼsir qildi.
iPhone Duo 23-oktabrda 1 999 dollardan boshlanadigan narxda sotuvga chiqdi. Koʻp oʻtmay, onlayn buyurtmalar uchun yetkazib berish muddatlari 2027-yil yanvar oxirigacha belgilandi.
Xanning soʻzlariga koʻra, sentabr choragida yuqori talab iPhone, Mac va iPad qurilmalarining mavjudligini chekladi. Asosiy tor boʻgʻin Apple protsessorlari uchun chiplarni ishlab chiqarishdagi ilgʻor texnologiyalar boʻldi. Dekabr choragida kompaniya Mac va iPad taqchilligini, avvalo, xotira sabab kutmoqda, chunki talab prognozdan yuqori boʻlib chiqdi.
Apple moliyaviy direktori Kevan Parekh tarif toʻlovlari qaytarib berilmaganida kompaniya va uning mahsulotlarining yalpi marjasi avvalgi chorakka nisbatan taxminan 1 foiz punktiga pasaygan boʻlishini maʼlum qildi. Bunga asosan xotiraning qimmatlashuvi sabab boʻlgan. Appleʼning chorakdagi daromadi 114,5 mlrd dollarni tashkil etib, Uoll-strit kutilmalaridan oshdi.
