Oʻzbekiston toʻqqiz oyda $44,3 mlrd xorijiy investitsiyani oʻzlashtirdi
2026 yil yanvar–sentabr oylarida mamlakatda $44,3 mlrd xorijiy investitsiya va kredit mablagʻlari oʻzlashtirildi. $3,8 mlrdlik 106 ta yirik loyiha ishga tushirilib, 13,8 mingta ish oʻrni yaratildi.
Toshkentda investitsiyalar, sanoat va savdo vaziri Laziz Kudratov Oliy Majlis Qonunchilik palatasi deputatlariga hududlarda xorijiy investitsiyalar ishtirokidagi loyihalarni amalga oshirish haqidagi soʻrovga javobni taqdim etdi. Vazirning soʻzlariga koʻra, 2026 yilning toʻqqiz oyida qiymati $3,8 mlrd boʻlgan 106 ta yirik loyiha yakunlandi.
Loyihalar muammolarni tezkor aniqlashga moʻljallangan raqamli monitoring tizimi orqali kuzatib borilmoqda. Shu bilan birga, maxsus iqtisodiy zonalarni boshqarish va davlat kafolatlari ostida xorijiy kreditlardan foydalanish takomillashtirilmoqda.
Deputatlar natijadorlikni nafaqat oʻzlashtirilgan mablagʻlar summasi, balki qoʻshilgan qiymat, barqaror bandlik va mahalliy korxonalar bilan hamkorlik asosida ham baholashni taklif qildi. Javob muhokama qilingach, parlament soʻroviga doir tegishli qaror qabul qilindi.
