Minsk va Toshkent yadro energetikasida hamkorlikning yangi bosqichini boshlamoqda
Belarus Oʻzbekistonga AES uchun kadrlar tanlashda koʻmaklashmoqda. Muzokaralarda transformatorlar, Belarusdan yetkazib berishlar va qoʻshma korxonalar istiqboli muhokama qilindi.
Belarus Oʻzbekistonda AES va unga bogʻliq infratuzilmani qurish uchun malakali mutaxassislarni tanlashda ishtirok etmoqda. Ish Energetika vazirligi va «Uzatom»ning 2025–2027-yillarga moʻljallangan rejasi asosida olib borilmoqda.
Shuningdek, «Uzatom»ning V. I. Kozlov nomidagi Minsk elektrotexnika zavodi hamda «Rosatom» davlat korporatsiyasi bilan transformatorlar sohasidagi hamkorligini oʻrganish taklif etildi. Uchrashuv ishtirokchilari Belarus texnikasini yetkazib berish hamda Oʻzbekiston hududida qoʻshma korxonalar tashkil etish istiqbollarini ham koʻrib chiqdi.
Oʻzbekiston vakillari hamkorlikni davom ettirish va milliy yadro energetikasi dasturi doirasida Belarus salohiyatidan foydalanishga qiziqish bildirdi. Kelgusida tomonlar uskunalarning ayrim turlari boʻyicha takliflar almashishi va birgalikda ishlab chiqish uchun loyihalarni tanlashi mumkin.
